Das Jahr hei mir ds erschte Mau miteme Verpflegigsstang ar Jodlerwanderig dörfe derbi sy. Merci a aui wonis a dem Tag sy cho bsueche u danke am Jodlerklub Lyssach für ds Organisiere. Es grosses Merci a Mätthu, wo üs der ganz Tag lang het usghaute.

Das Jahr sy mir im Früehlig uf d Jodlerreis gange u hei üs ds Schüpfheim ir Pastafabrig Fidirulla ziemlich erfougrich im Raviolimache güebt. Nachher sy mir wyter zum Kneippseeli Flühli ds Söreberg, wo mir üs muetig iz Wasser hei gwagt. Nachere chline Wanderig sy mir ner id Töpferei im Truebschache gah Znacht ässe. Mir danke aune Lüt, wo nis uf dere Jodlerreis bewirtet hei.